Rúnalist

Diskósúpa,   hvað er það ?

Diskó súpu viðburðir sameina samfélag, tónlist og matreiðslu til að takast á við matarsóun.  Uppruninn er frá ungliðahreyfingu Slow Food í Þýskalandi, og hugmyndin hefur breiðst út um allan heim.

Árið 2025 var í fyrsta sinn haldinn Diskó súpu viðburður á Norðurlandi, og hann var haldinn í Hlöðunni hjá okkur á Stórhóli.  Það voru eldaðar 3 mismunandi súpur og það voru um 80 manns sem borðuðu súpu, sem var met á landsvísu það árið.

Þriðjungur alls matar fer til spillis árlega.  Matarsóun er ábyrg fyrir 8-10% losun allra gróðurhúsalofttegunda.

Sjálfboðaliðar hittast og elda saman dýrindis mat úr hráefni sem safnað hefur verið saman, t.d. frá búðum, heildsölum, veitingastöðum og annarsstaðar sem matarsóun myndast.  Best er ef það er góður DJ sem keyrir upp stemninguna.

Uppskriftin að árangri

1. Að safna umfram mat: Sjálfboðaliðar safna hráefni saman.

2. Undirbúningur og matreiðsla. Hráefnin eru notuð ti að búa til geggjaðar súpur.

3. Veisla og gleði: Allir njóta matarins og fagna árangrinum.

Diskósúpu viðburðirnir fræða þáttakendur, hvetja til breytinga og styrkja samfélagsbönd.  Þetta er áhrifarík leið fyrir fólk að taka þátt í báráttunni gegn matarsóun.  Viðburðirnir sameina gott bragð, samfélagsþáttöku og skemmtilegt andrúmsloft til að stuðla að sjálfbærari framtíð.

 Smelltu hér fyrir myndir frá Diskósúpu

Diskósúpa í Hlöðunni á Stórhól
Laugardaginn 25. apríl kl. 12-16.
Diskósúpa í boði Slow food á Íslandi og Rúnalistar.
Frí súpa, tónlist og gaman.

Myndabingó fyrir börnin.

Nánari upplýsingar hér:
Rúnalist Gallerí
Opið laugardag og sunnudag frá kl. 12-17.
Kynningar á vörum frá ýmsum smáframleiðendum.
Geitaskvísur og kiðlingakrútt.

Hlökkum til að sjá ykkur

Smelltu hér til að sjá námskeið